Die Naach T. u. M.: Stefan Bartsch
1. Die Naach ess lau, die Naach ess köhl
janz selden ens blau / se offenbahrt et Jeföhl
Die Naach ess lang / un off jenoch kalt,
üvvernaach es m´r do / üvvernaach ess m´r alt
2. Die Naach ess launisch / se hält nit immer zo dir
en d´r Naach bess do traurisch / un kriss et ärme Dier
Die Naach mäht dich süchtich / die Naach mäht dir Angs
en d´r Naach kanns do Sache / die du am Dach janit kanns
3. Die Naach verschleiert / die Naach deck op,
schillert in alle Färve / un verdrieht dir d´r Kopp
En d´r Naach kanns do ne And´re sin / oder fings wirklich zo dir
oder se pack dich en wie en Spenn / un injiziert ihr Begier
Ich fahr´ durch de Stadt T.u M.: Stefan Bartsch
1. Die Spure vum Winter siehste noch üvverall
de Bäum noch wie duud, op de Stroße litt Splitt
Un janz finge Fissel fällt, doch do spürs et ald
Esu wie et ess, esu bliet et nit
Vun jedem Plakat luure mich ding Auge
Ding janze Aat wööd ich niemols satt
Ich froch woröm ich jetz nit bei dir sin kann
un ich fahr, ich fahr, ich fahr durch de Stadt
2. Ich fahr vür mich hin un denk nur an dich
wie et dir grad jeit und wat do jrad mähs.
Dovun krijje ich nit genoch un´t es jrad ess,
als hoot ich jedes Woot, dat do sähs
Ding Stemm, die klingk mer em Uhr wie e Jlockespell,
ding Auge dunn funkele wie Achat.
Zesamme met dir , weiß ich wat ich well
doch ich fahr, ich fahr, allein durch de Stadt
3. Doch glich en ener Stund fahr ich hin zo dir
et ess wirklich spät un ming Ärm wääden schwer
Ich han nur noch jrad dä eine Passagier
dä setz ich jetz avv un mi´ Taxi ess leer
Ich kann noch nit gläuve wie lang mir zesamme sinn
En esch lange Zick un e Deil dovun hatt,
Mit dir jonn ich zesamme janz ejal wohin
un ich fahr, ich fahr, mit dir durch de Stadt
Marion T. + M.: Stefan Bartsch
1. Do steichs am Zoo us un läufs ahn d´r Nümaat,
wat do mähs, dat hät nit Hand un nit Fooss
Minge Kopp, ming Geföhle driehs do janz op links,
ich froch mich: woröm maach ich dich bloß ?
Refr.: Marion, Marion, Marion,
2. Jetz steihs do hück ovend widder su vür mir,
un sähs, do wullts noch op de Roll
vür morge öm aach kumm ich widder nit in´t Bett,
doch do kriss die Nas noch nit voll.
Refr.: Marion, Marion, ….
3. Do bess vun Natur us en Windbotz,
bruchs kein Droppe för dinge Marathon
Hand in Hand mit dir wäd ich niemols möd,
mit dir dät ich bess an´t Engk d´r Welt jonn
4. Wo mir uns troofe kann ich hück nit mieh saghe,
han dich jesinn un direk kapituliert
Ich soß do un do kohms op mich zo,
do sprochs mich ahn un ich wör fass explodiert
Refr.: Marion, …
Weitere Titel sind z.B: ( alle Texte S. Bartsch)
Ich weiß janix von dir
Hetz mich nit
Wie maach ich et hück allen räch
Blues Cafe
Dat Klein
Alles still
Nix ess geiler…
Ich kann mit alles han
Dä Schuldner-Blues
Hey do
Fahre en dinger Kess
Bliev mir vom Hals
Et Luckenbachs Rosie
Die Parfum
Kahle Schrei
Setz dich durch
Wocheengk
Zweiklassisch
Sympathie für wat?!
Und immer wieder Aktuell ist Arsch huh – Zäng ussenander von den Kollegen BAP / Brings
